“Малчин” компани 1996 онд байгуулагдан хөдөөгийн төв, суурин, малчид, хөдөлмөрчдийг эрчим хүчний хоёрдогч эх үүсвэр болох нар салхины цахилгаан үүсгүүрээр хангах зорилготойгоор үйл ажиллагаа явуулж, энэ салбартаа зах зээлд тэргүүлэх байр суурь эзэлж буй Монголын анхны хувийн компани юм. Нарны цахилгаан үүсгүүр болох PV модулийг ашиглан нарны энергийг цахилгаан энерги болгон хувиргахад оршино.  Нарны цахилгаан систем нь найдвартай  бөгөөд байгальд хоргүй цэвэр эрчим хүч юм.Тус компани байгуулагдсанаасаа эхлэн нар, салхины цахилгаан үүсгүүр болон телевизийн тоног төхөөрөмж, сансрын антенныг зах зээлд нийлүүлж мэргэжлийн өндөр түвшинд суурилуулан өгч, баталгаат засварыг 6-24 сарын хугацаатайгаар ханган үйлчлүүлэгчдийнхээ талархлыг байнга хүлээсээр байна.
     “Малчин” ХХК нь өнгөрсөн хугацаанд нар, салхины цахилгаан үүсгүүр 18000, сансрын антенн 8000 орчмыг хэрэглэгчдэд нийлүүлж ,угсралт тохируулгын ажил хийсний зэрэгцээ 8 аймаг, 60 сумын төвд 105 телевизийн дахин дамжуулах, хүлээн авах станцын иж бүрдлийг суурилуулсан.Мөн аймаг, сумын төвд кабелийн телевиз болон сансрын хиймэл дагуулаас олон сувгийн телевизийн студийн тоног төхөөрөмж, 10, 50, 100 вт-ын FM станц, аймаг сумын төвөөс алслагдсан баг, томхон суурин, алтны үйлдвэр, зуслан зэрэг газарт 60-200 км-т интернетэд  холбогддог телефон станц, нар салхины цахилгаан үүсгүүр, байгалийн хийгээр (газ) ажилладаг хөргөгч, хөлдөөгчийг төвийн эрчим хүчинд холбогдоогүй сумын эмнэлгүүдэд амжилттай нийлүүлээд байна.Бид 2005 оноос эхлэн нар, салхины үүсгүүрээс гадна хэрэглэгчиддээ зориулан нарны зайн системүүд, шингэн кристаллан дэлгэцтэй телевизор, байгалийн хийгээр ажилладаг хөргөгч, хөлдөөгч, мөн шөнийн цагаар төллөх малыг гэрээсээ хянах дэлгэц бүхий хяналтын камер, угаалгын машин, тоос сорогч, индүү, үсний хайч, хөргөгч, хөлдөөгч, антенн станц, нарны дэлгэц, аккумулятор, нарны зайн үүсгүүр  зэрэг 12 вольтоор ажилладаг эрчим хүчний маш бага хэмнэлттэй олон төрлийн шинэ бүтээгдэхүүнийг нийлүүлж эхэллээ.Мөн хэрэглэгчиддээ зориулан цахилгаан бага зарцуулдаг  DIGITAL SATELLITE RECEIVER TECH-5113-ыг буюу хиймэл дагуулаас олон сувгийн телевизийн нэвтрүүлэг хүлээн авч дамжуулдаг станцыг Сингапур улсад тусгайлан захиалж худалдаанд гаргасан.
“Нартай шөнө жуулчны бааз” төслийн хүрээнд манай компани жуулчны баазуудад нарны зайн хураагуураар ажилладаг гудамж талбайн гэрэлтүүлэг, далавчит шавьж устгагч электрон тоног төхөөрөмж; цэцэрлэг, саад , явган хүний замд зориулсан нарны зайн гэрэлтүүлэг, зөөврийн болон хийгээр ажилладаг хөргөгч, хөлдөөгч,  интернет, факс, ярианы өгөгдлийг өндөр хурдаар дамжуулах холбооны  төхөөрөмжүүдийг  мэргэжлийн өндөр түвшинд  суурилуулæ, хэрэглэгчдийнхээ гүн талархлыг  хүлээсээр байна. Мөн сэргээгдэх эрчим хүчний чиглэлэр ажиллладаг гадаад дотоодын олон компаниудтай хамтран ажилладаг бөгөөд ойрын хугацаанд Монгол улсын 21 аймаг,  хойд хөршийн орнууддаа  салбараа нээх  зорилго тавин эрчимтэй  ажиллаж байна.